當年今日
關於我們

【短片】【amfAR慈善晚宴】衣香鬢影巨星雲集超瓊Big爆現身好性感!

蘋果日報 2015/03/14 06:00

蘋果蔡卓妍香港劉嘉玲何超瓊名模即時慈善晚宴amfAR國際巨星

一眾國際巨星及名模,以及本港紅星及名人,今晚雲集邵氏影城,出席美國愛滋病研究基金會(amfAR)慈善晚宴,出席者包括金像影后GwynethPaltrow(姬妮芙柏露)﹑超模納奧美金寶(NaomiCampbell)﹑KateMoss﹑碧咸嫂Victoria﹑何超瓊﹑蔡卓妍(阿Sa)﹑關之琳﹑劉嘉玲﹑鄧文迪﹑杜德偉夫婦﹑榮文蔚等。

超瓊以LV超低胸打扮亮相,並露出深溝,Big爆全場,而佢所佩戴的HarryWinston鑽飾相當搶眼,頸鏈為1300萬港元。超瓊表示今次係amfAR第一次喺香港舉行活動,所以唔可以失禮,佢又話知道今晚啲枱已經買晒,好開心。問超瓊今晚會籌幾多錢?佢就話原本target係200萬美金,但依家好似已經over呢個數,未計拍賣,已有250萬美金。講到佢今晚相當性感?佢謙稱:「其實咁啱買到呢條裙。」

講到今晚好多荷李活星及模特兒出席,問超瓊最想見邊個?佢話:「個個嚟我都咁開心,多謝大家支持,個個都係女神,佢哋特色係大家都有成就。」咁賭王爹哋何鴻燊支唔支持呢個活動?佢話:「佢各方面都好支持我哋,但0依家好少出嚟。」