一向係劍擊好手嘅鬍鬚曾，同時都係習武之人，功夫相當之了得。佢喺網誌話學功夫嘅人，對「牛頓第三定律」（Newton's Third Law）有「切身體會」，即係當物件相撞嘅時候，從一方施加力量，必定會有另一道方向相反、力量相同嘅反作用力抗衡。
繼而佢引述偶像李小龍嘅名言、截拳道哲學核心：「Empty your mind. Be formless, shapeless, like water. It can flow or it can crash. Be water, my friend.」佢話喎，「be water」哲學令人聯想到《道德經》入面嘅「上善若水」道理，即係若然能夠如水一樣，「將原來要硬碰的力量化解，甚至變成對自己有利的力量」，喺武術上肯定無往而不利。
鬍鬚曾特別提到，呢個哲理對佢嘅意義，不止於武術，「對生活、工作以至待人接物，都甚有啟發性」。唔知呢篇網誌對疑似同AV女優交朋友、被網民封為「加藤英」嘅CY，啟發又有幾大呢？