潮媽陳慧琳（Kelly）2年前搞過二手衫慈善義賣，當時籌得成7位數，今年Kelly再接再厲，再辦二手衫義賣，聽日開始喺銅鑼灣義賣過千衫褲鞋襪，價錢由幾十蚊到幾千蚊都有。

Kelly話:「這次捐出來的衣物大部分都是這兩年購買的，所以款式比較新穎。除了自己的衣物外，今次也捐出很多小朋友的服裝，因為兩個兒子開始長大，很多都已經不合身了。由於親戚朋友經常買新衫給他們，有些未著過就已經穿不下，所以有部分衣物都頗新。」而日前Kelly就特登落舖打點，由櫥窗擺設、設定價錢等都一手包辦。而今次義賣收益將會撥捐陳慧琳兒童助學基金，幫助中港兩地兒童升學。