一對新婚夫婦把在婚宴上所拍攝照片，交到一家沖印店沖曬，卻因沖印機故障，菲林損壞，婚宴照片全失去，沖印店只依收據所列賠償條款，賠償兩卷菲林。

「重話係專業沖印，點知搞成咁；影下我哋婚宴嗰陣嘅相，係美好嘅回憶，咁就冇晒，冇可能睇得番，真係好唔開心！」
陳太對沖印店將已拍攝其婚宴珍貴時刻的菲林沖壞，既感不快，更覺遺憾。
陳先生夫婦向本報投訴稱，他們剛於上月二十六日結婚，當晚大宴親朋，他們的親友使用在美國購買的兩盒用完即棄連相機菲林，拍攝婚宴照片及與親友合照，極有紀念價值；每盒連相機菲林，可拍攝三十六張照片，共拍攝七十二張。

「兩盒菲林都沖壞咗」
家住美孚新邨的陳太稱，她將兩盒連相機菲林，交到萬事達廣場栢麗攝影沖印店沖曬，並約定於次日取回照片，取相時卻令她大為震怒。
「佢哋只係輕描淡寫咁講，兩盒連相機菲林都沖壞咗，一張相都曬唔到，最多只可以照收據上面啲條款咁講，賠番兩盒未用過嘅連相機菲林俾我，一啲歉意都冇。」
陳太認為對沖印店收據所列賠償條款，對顧客毫無保障。
「我要求佢哋將嗰兩盒連相機菲林畀番我，睇吓可唔可以搵其他沖印店補救，點知佢哋即刻話已經丟咗，真係好唔負責任！」