瑞典神鋒伊巴謙莫域集力量、射術於一身，經常以怪腳入波，毫無疑問係當代鋒霸！但前祖雲達斯教頭卡比路就爆料，話伊巴當年表現平平連波都射得唔好，好彩佢後尾勤練射門，先至令佢有今日嘅成就。

伊巴喺2004年以1,600萬鎊由阿積士轉投祖記，而卡比路當時就係祖記教頭。對於當年伊巴嘅表現，卡比路話:「當伊巴初初嚟到祖記，佢唔擅長射門。當時拉奧拿(伊巴經理人)同我講『伊巴好強壯，佢可以射斷守門員對手』，而我就同返佢講『依家佢只可以射穿GYM房個窗』。」

卡比路又話，之後伊巴日日都練射門，取得重大進步，最終仲變成一代鋒霸。雖然係咁，但卡路話佢心目中最佳球員並唔係伊巴，而係大哨朗拿度。唔知卡比路咁講，伊巴又會唔會唔GUR呢?

----------------
BFB CHAMPIONS 2.0 聖誕新年活動連環出擊，登入即送傳奇球星「林伯特」！ http://bit.ly/2xrTKGM