由徐玄振及李民基主演、改編自同名電影嘅JTBC劇集《Beauty Inside》，噚晚播出大結局第16集，不過收視未能創新高，只有5.181%收視率。而港劇迷可於Viu同步追看。

徐玄振、李民基有情人終成眷屬，而相隔一年再相遇嘅兩人甜蜜爆燈，其中李民基呷醋一幕，兩人30秒內咀嘴6次，劇迷都睇到大呼心動，李民基最後更向徐玄振求婚成功。

劇集結尾，徐玄振及李民基喺海邊留影，徐玄振一步步走向李民基時，重現佢之前變身過嘅樣，還原電影經典一幕，而曾與徐玄振合作韓劇《又，吳海英》女星全慧彬更客串現身，力撐好友。

另外，《Beauty Inside》眾演員感情十分好，徐玄振、李民基、李多熙及文知茵噚晚更約埋一齊睇大結局，於劇中飾演徐玄振好友嘅文知茵更喺Instagram上載合照，李多熙同樣上載咗李民基戴住兔仔帽萌賣嘅短片。

精選韓流，喺晒《娛果》
http://fb.com/appledailyent

Google Play 2018 年度最受歡迎應用程式，請即點擊 http://bit.ly/2FCthz5 投《蘋果動新聞》一票