周三（28日）谷草將會有八場夜賽舉行，頭場開跑時間是晚上7時15分，而第五場將會是錦標場合，四班2200米的聖安度挑戰碟。

由於上次夜賽六寶獎只得0.2注中正，故仍有966萬左右累積多寶撥入今晚彩池，估計若由一注十元獨中，派彩可高達1,500萬。

近四次夜賽第五場，大熱門共獲三冠一亞，故此呢關不妨慳注只向大熱埋手。

田泰安及巴度於今戰起停賽兩日，賴維銘則跑完今晚賽事開始停賽兩日。至於郭能停賽兩日後復出，騎者近期手風轉順，停賽前亦憑「大步走」贏馬，今晚騎足八場，當中「越感」及「有獎」均有近績支持，可替騎者延續停賽前之旺勢。

近三戰新勝馬均贏兩場或以上，今晚亦有九駒贏完再出，當中二場「飛壹般」、七場「驫驫」及尾場「健康美麗」更出埋王牌報名，求添食決心非常明顯，有機會再下一城。

蔡廐近兩戰分別有「歡喜心」及「請跟我來」從化返港復出即勝。今晚三匹蔡廐從化兵中，第六場「常豐裕」及第八場「紅運爵士」均於上周四（22日）在當地試埋閘才返港，兩駒上仗俱搏失入位，做足工夫再來可補中。