馮仁昭四圍超：包容論激民憤
官恩娜喪喊 - 馮仁昭
蘋果日報 2014/01/28 00:00
馮仁昭四圍超
官恩娜（Ella）近日成為網民圍剿對象，佢日前喺報紙專欄度寫咗篇文章，提及要包容，又指唔應該自己人笑自己人，Ella嘅言論激起網民強烈反應，噚日Ella到赤鱲角機場出席宣揚送禮物無分國界活動時，提到呢件事激動到失聲爆喊。
對於俾網民指摘，Ella無奈咁話：「我嗰篇文係講生活好細節嘅禮儀，我叫大家接受嘅係生活上嘅小禮儀，可能係餐桌上嘅嘢，唔係一啲令佢哋不安嘅事。」由於有唔少網民質疑來自大溪地嘅Ella擁有特區護照，Ella越講越激動爆喊話：「首先我講嘅，唔係佢哋所想我講嘅嘢，而我拎嘅係特區護照，我係喺法屬波利尼西亞嘅大溪地出世，但我冇揀法屬passport，我係選擇拎香港特區護照。」
對於俾網民指摘，Ella無奈咁話：「我嗰篇文係講生活好細節嘅禮儀，我叫大家接受嘅係生活上嘅小禮儀，可能係餐桌上嘅嘢，唔係一啲令佢哋不安嘅事。」由於有唔少網民質疑來自大溪地嘅Ella擁有特區護照，Ella越講越激動爆喊話：「首先我講嘅，唔係佢哋所想我講嘅嘢，而我拎嘅係特區護照，我係喺法屬波利尼西亞嘅大溪地出世，但我冇揀法屬passport，我係選擇拎香港特區護照。」
官恩娜因包容論而俾網民炮轟，覺得好難過失聲爆喊，眼淚仲流到頸。
當香港係家
Ella喊住話：「我喊呢，到時又話我做戲㗎喇。我明白佢哋點解咁嬲，但我唔係講緊要佢哋接受人哋隨街大小便、攞晒佢哋啲學位、食晒佢哋啲奶粉……相信唔係個個人嚟到香港都係咁做。好似自己去到人哋嘅地方，做咗啲嘢，以為人哋冇所謂，但原來人哋係有所謂嘅。」
被指摘係「偽人」，Ella強調做人以心待人，唔鍾意講大話同呃人，做事亦憑良心，喊到收唔到聲嘅佢話：「我不嬲當香港係我嘅家，如果一個當係家嘅地方俾人討厭同憎恨嘅時候，我相信冇人鍾意俾屋企人憎恨，況且根本係一個誤會。」
撰文：馮仁昭
被指摘係「偽人」，Ella強調做人以心待人，唔鍾意講大話同呃人，做事亦憑良心，喊到收唔到聲嘅佢話：「我不嬲當香港係我嘅家，如果一個當係家嘅地方俾人討厭同憎恨嘅時候，我相信冇人鍾意俾屋企人憎恨，況且根本係一個誤會。」
撰文：馮仁昭
官恩娜06年到機場登機去大溪地，手上就係揸香港特區護照。資料圖片
心情唔好嘅官恩娜（中）噚日喺機場出席活動。