「呢幾日我哋午餐都係食麵包，晚餐就食罐頭同即食麵。其實我唔到最後一步都唔想搵人幫，不過我身上真係剩番啲毫子，阿仔今個月學費都未交，好彩學校肯通融。」阿美憂心地說。
阿美的身世頗為坎坷，自小父母仳離，其童年時期就像「皮球」一樣被人拋來拋去，父母對她愛理不理，她由外婆和嫲嫲輪流照顧，直至長大成人。阿美於九六年認識一名男子，其後兩人共賦同居，並無正式註冊。不久阿美懷有身孕，惟男友卻在此時另結新歡，阿美頓覺晴天霹靂。
「當時我堅持點辛苦都要生呢個BB出嚟，於是我走去申請綜援，然後搵個地方安胎，最記得到要生嗰日，大廈又冇電梯，我惟有慢慢行九層樓梯落去地下截的士去醫院。」阿美憶述數年前一段辛酸經歷，不禁淒然下淚。她說：「不過呢條路係我自己揀嘅，冇辦法啦。」
晃眼間，兒子阿男今年已經五歲，就讀幼稚園高班，學業成績優異，生性乖巧，令阿美感到無限安慰。只是，生來就沒有爸爸的阿男，有時會有酸溜溜的感覺。