形象健康 觀眾讚賞
有線Helpers做足100分

蘋果日報 2002/06/17 00:00


他們不是Keyman、德能,因為他們不識講波;他們亦不是谷德昭、張達明或者是陳欣欣,因為他們不出鏡;他們更不是WorldCupAngels(世界盃天使),因為他們賣的是健康的形象及活潑的表現。
不過就有一樣與上述三類人一樣,就是駐守九龍灣展貿,由世界盃第一日比賽到決賽最後一天,風雨不改。他們就是一班Helpers(工作人員),日日身穿鮮橙色背心,係真正嘅「十八、廿二」。

幫觀眾畫面、帶位
負責找這一班Helpers的Manda說:「我地當初幫有線世盃騷找Helpers,先決條件係要望上去健健康康,熱愛運動及活活潑潑的。年齡介乎十八至二十二歲。佢地由第一日世界盃賽就開始駐守在這裏,個個表現都好好,又落力、又肯做。我畀足一百分佢哋。」
在現場所見,對這班Helpers印象不錯,個個緊守崗位之餘,還笑面迎人。他們的服務對象就是每名入場的觀眾;有啲幫手畫花面、有啲負責帶位、派發紀念品及維持場內秩序等等。
值得一提的是「畫花面三姊妹」,不但對觀眾有求必應,而且創意十足;不少幫襯的顧客都豎起手指大讚她們畫的圖案好看。
圖?文:徐嘉華
世盃嘉年華Helpers心中話
阿達(20歲、登記)
我自己鍾意睇足球,所以嚟到九展做兼職,既賺錢,又可睇波,好好玩。

阿葉(19歲、畫位)
自己剛剛中七畢業,喺呢度可以學到應變能力,因為每日接觸的人實在好多。

阿香(19歲、派紀念品)
啲人好貪心,總會問你攞多份紀念品;我就維持公道,限定一人只可要一份。

阿萍(19歲、畫花面)
我中七畢業,趁空檔出嚟攞經驗。我鍾意畫嘢,現在有人肯畀我畫,好開心。

阿彥(20歲、出車)
「出車」最難忘,𠵱家大熱天時要跟車到九龍灣視察人潮,都幾熱㗎。

阿Dick(20歲、帶位)
係場內是不錯可以一邊睇波、一邊帶位,有時啲觀眾四圍走或者唔守秩序,都幾難搞。