【父親涉毒被捕】淺野忠信代父留言道歉：兒子演刑警時，爸爸你在想甚麼？
蘋果日報 2017/12/06 11:55
涉毒淺野忠信佐藤幸久
日本男星淺野忠信父親佐藤幸久，日前因涉吸食興奮劑被捕。佐藤幸久於上月30日清晨時份喺東京澀谷區玄坂路上被警員發現持有吸毒器具，經進行尿液檢查，證實對興奮劑呈陽性反應，佢本人亦承認吸毒。
現年68歲嘅佐藤幸久係兒子淺野忠信所屬事務所ANORE嘅社長，其涉毒消息噚日曝光後，淺野忠信深夜透過官方網站留言代父道歉，內文提到為事件感到震驚同擔心，並指父親犯咗一個大錯誤，但對佢嚟講係唯一嘅父親，現時只係非常擔心爸爸嘅情況。
由淺野忠信主演劇《刑警弓神》明日將會如常播出，今朝淺野忠信更新Twitter宣傳劇集，仲提到爸爸涉毒事件：「兒子演刑警時，爸爸你在想甚麼？！現在沒有時間沮喪，《刑警弓神》今日繼續加油。」
更多娛聞，喺晒《娛果》
http://fb.com/appledailyent
淺野忠信父親佐藤幸久，日前因涉吸食興奮劑被捕。
淺野忠信噚晚代父留言道歉。
淺野忠信主演劇明晚將如常播出，今日佢都有更新Twitter為劇集宣傳。