一隻腳可以踏幾多船？平時大家都係講兩船，不過今日有周刊報道，指傅嘉莉(Kelly)就一腳踏兩艘豪華輪，周旋於法拉利及瑪莎拉蒂香港代理、已婚富豪莊天龍(Benny)與富豪B之間。(新聞連結： http://bit.ly/2ij1Gm4 )

今日Kelly喺馬鞍山出席新劇宣傳，當然就被問到呢件事啦，佢就話一腳踏兩艘豪華輪唔係真：「我諗聰明人睇到內容，睇到wechat，用格式打完全唔同。嗰啲人物我唔識，都冇呢啲事，新一年2017，加上我生日，上年年中嘅嘢，先喺生日畀個咁大禮物，開始學會做藝人要經歷，完全唔會唔開心。」至於o依家係唔係單身，Kelly就回應一個「嗯」。單身又有咁多桃花新聞，怕唔怕嚇走啲男追求者，佢就話有緣就會一齊，無緣嘅話冇呢啲新聞都唔會一齊。

報道又指Kelly收咗莊天龍一部70萬嘅七人車，佢就話：「好多人留意我呢幾年拍電視劇，講我呢幾年收入，完全唔公平。」Kelly又話：「我做model咁耐，有睇我新聞知我有投資買樓，我o依家冇hold任何一層樓，所以都有資金，一個新工作環境需要有部車，我可以負擔到，我唔知呢個圈嘅風氣喜歡咁樣寫，我希望用我時間用我表現，畀大家睇到我並唔喺向呢個方向行嘅女生。」