當年今日
關於我們

【首爾獨家專訪】「皇家特工」泰隆自認老實唔會呃女友

蘋果日報 2017/09/22 16:30

哥連費夫Colin FirthTaron Egerton皇家特工:金圈子泰隆艾格頓Kingsman:The Golden Circle

由泰隆艾格頓(Taron Egerton)夥拍哥連費夫(Colin Firth)嘅新片《皇家特工:金圈子》(Kingsman:The Golden Circle)已在香港上映,唔止原粗班人馬上陣,更加入多位英美紅星助陣,包括茱莉安摩亞(Julianne Moore)、荷爾芭莉(Halle Barry)、Elton John、卓寧泰坦(Channing Tatum)等陣容加盟,本報記者特別飛到首爾,獨家專訪三位主角,泰隆更大爆自己對女朋友非常老實!
戲中動作場面甚多,尤其是泰隆更打到飛起,原來佢拍攝時都有受傷。「我哋有做打鬥嘅訓練,但都有少少受傷,我被拳打中面,手都被車門打到,又試過由車上跌落嚟,但我仍喺度,冇問題。」此外,哥連亦要拍一場水浸場面,戲中佢狀甚痛苦,原來佢係真心驚!「嗰啲爆破場面、拳來腳往、子彈橫飛,都嚇唔倒我,唯有拍被水浸嗰場真係驚。因為你見到嘅場面都係真的,我都唔知道我點捱過,但總算完成咗。」
戲中有一幕泰隆要背住女友同目標人物發生關係,他卻如實告知女友,令二人情海翻波,到底泰隆認為呢個決定是否明智?「當你愛一個人,咩事對方應該知,並唔係由你決定,事實上對方應該知道同兩個人有關嘅嘢。我覺得Eggsy認為,佢唔應該幫女朋友決定咩事應該知、咩事不應該知。」諗唔到佢會對女友咁老實!
最後請佢哋天馬行空咁為下集發明新武器,泰隆立即興奮地道:「我有一個諗法,就是將哥連嘅遮進化,但我而家唔可以話你知,我很希望導演Matthew會實行。」而作為英國紳士代表嘅哥連的想法就更新奇:「有人提議過用茶包,嘆一杯茶,夠晒英國人。」馬克亦深表同意:「會爆炸嘅英包,係好好嘅提議。一杯茶,加啲奶,boom!」
另外電影在港開畫首日已收254萬港元,觀乎上集於2015年2月上映時開畫日錄得嘅126萬港元,新一集比上集嘅開畫票房高出雙倍成績。截至今日下午6時,《皇家特工:金圈子》喺香港票房累積逾400萬港元,繼續成為單日票房冠軍。
empty
3人接受《蘋果》獨家專訪,泰隆就表示現實中都對女朋友非常老實!
empty
荷爾芭莉、卓寧泰坦加盟演出。
empty
影后茱莉安摩亞演大反派。
empty
泰隆艾格頓今次再拍哥連費夫合作。
empty
《皇家特工:金圈子》在港成為開畫票房No.1!