蔡少芬（Ada）、林保怡和余子明昨日在將軍澳電視廣播城古裝街拍攝劇集《火舞黃沙》，飾演大當家的蔡少芬工作態度非常認真，令甘草演員余子明感到尷尬，他說：「佢係一個最希望可以做到十全十美嘅女演員，你知啦，我哋呢啲講對白求其爭少少都收貨，但係Ada就唔係，一個字都唔可以錯，好認真，有時搞到我好尷尬，呢個態度係好。」
Ada則說：「子明哥成日講笑，話我係佢偶像，成日話想同我合作。今次係我第一次同佢合作，重有好多對手戲，成日見到面就係嗌交。」

保怡曾遭爆傷

此外，林保怡拍攝《火》劇經常要拍外景，又有不少燒炮竹場面，他說：「我就唔使俾炮仗燒，陳豪一到內地拍外景，就要俾條炮仗纏住，都幾驚。我細個對炮仗有陰影，喺街執到支炮仗返屋企點，冇放手，爆到成隻手指爛晒。」
採訪、攝影：楊潔雯