事發約傍晚5時,東方無敵一行四人正在DVD舖選購新碟,突然有人大叫「全部唔好再揀,中國海關。」原來海關人員喬裝顧客在舖內伺機行動,他大喝後即有5、6人衝入,領隊的頭目最後施施然現身,指揮若定說:「放低晒所有嘢,店員企一邊,客人企一邊,一個都唔畀走。」
東方無敵稱,這時頭目以凌厲目光掃向一班老翻客,「你哋知唔知呢啲翻版,知都仲過嚟買?你哋一個都唔畀走,攞晒啲身份證同回鄉證件出嚟。」各人不敢怠慢即交出證件,東方無敵坦言心情忐忑,「我同朋友細細聲講,唔知有無得攞番啲證件。」
怎料該頭目說︰「全部攞番晒啲證件走,你哋唔好俾我再見到你哋過嚟買。」最精采之處是他隨手把多張證件擲到枱上,「佢拋得好有型,好似賭神咁!」網友都指東方無敵有奇遇,在內地遇到執法人員竟然無被屈錢,連證件資料也無被抄下,認真好彩。