意大利高手李寶利、艾兆禮及杜滿萊近期風頭有蓋過雷神之勢，加上今期潘頓赴日跑騎師賽，該三大歐洲好手更加搶手，好似告達理今朝就捉住李寶利密斟，今次兩人有剛上名的「得全勝」合作，而杜滿萊亦有苗禮德撐，隻難贏馬「好事必得」交他跑贏馬路程1200米，今朝兩人影形不離，有晒搏殺手影。而艾兆禮同杜滿萊都係騎足十場，容天鵬有「邦之星」及「贏男」交代搏殺，最近兩人就憑「帝聖好好」擦出火花，此路人馬咪睇小。