團購網出現，曾令消費者以為可打破傳統消費模式，兼購得平貨。惟演變至今團購問題叢生，曾出現假貨、次貨的散貨場，不少人更因商戶甚至團購網結業而損失金錢。Kenneth與同事差點踩中陷阱，一怒下去年開設監察團購網monmonhk.com，日花數小時監察着各團購網有否出「蠱惑」，又協助網友追討退款。「本來諗住一發現有團購有問題就喺網站公告，多數係警惕消費者有關團購細則同價錢，就係咁接觸到好多想做好盤生意嘅商戶，佢哋都想建立口碑，建議將件貨放上團購網之前俾我哋認證吓」。

得到網民認同，令Kenneth決定開設網上交易平台waitingoods.com（簡稱WG）。他強調WG並非團購網，而是一個新式網上交易平台，網友可提議WG售賣甚麼貨品，網站也盡量公開每件貨品資料，雙方如朋友般交流意見。「我哋唔收商戶佣金，但係每件貨放上網前我哋一定了解貨品質素，好嘢先放上去」。
在WG展示的貨品，開售前均須標示售價及大約購買量，買家在網上透過代表自己的人形公仔「排隊」購買，「排隊成功嘅買家會收到電郵確認，我哋設24小時冷靜期，過咗期未付款就由後面嘅買家補上」。目前曾上架的貨品以電子產品為主，也有部份為街邊小食店及衣飾等物。

網站成立至今短短一個月，已引來網絡打手攻擊，加上不收買賣佣金，蝕錢兼蝕時間。「過程係好辛苦，但慶幸識到好多網友，又得到唔少商戶支持」。現時WG的瀏覽量與大型團購網相比仍差天共地，fb專頁暫有千餘個「Like」，Kenneth明白沒爆炸性優惠，吸引人流有難度，惟他不會輕言放棄：「香港俾大商家壟斷晒，大家根本買唔到平嘢！」縱然不知可以捱多久，但一份正義感支持他撐下去。