韓國人氣劇《鬼怪》男神孔劉下個月10號就38歲了，唔知到時男神會點慶祝呢，不過近日有網民就喺佢生日前先送一份賀禮畀佢，就係世界上另一個孔劉嘞。

話說近日有網民喺菲律賓就遇到一名同孔劉樣貌十分似嘅男子，而呢名男子就喺菲律賓嘅肯德基工作，呢位被網民形容激似男神嘅孔劉正在幫客人落單，所以網民即趁機偷拍咗佢照片，照片中菲律賓版孔劉嘅側面同孔劉Oppa有八成似，由於呢位菲律賓孔劉似乎十分年輕，所以佢其實似孔劉年輕時嘅樣子多過孔劉0依家嘅樣。

網民睇到呢位菲律賓孔劉都大表震驚，仲話原來世界上真係有另一個孔劉，有當地嘅網民仲笑言以後唔使飛去韓國見孔劉，因為菲律賓已經有一位孔劉，有網民更誇張留言話自己有戀愛了嘅感覺，可見呢位菲律賓孔劉有幾似正版孔劉。