花旗股市上個禮拜五顯著下跌，昨日港股唔見咗967點，27000關失守，如果昨晚花旗股市企唔穩，今日恒指26000關將會受好大考驗。
格林斯潘前兩日走出嚟話花旗經濟有5成機會會衰退，佢認為布殊嘅「凍息5年」做法唔恰當，只會扭曲樓市，令調整期拖得更長。佢老人家又話唔反對政府用公帑幫助啲供樓族度過難關，當然唔係派錢，而係安排緊急貸款畀佢哋。當然呢種做法都有唔好嘅地方，不過格老都係「兩害取其輕」。睇嚟格老呢番話會對昨晚花旗股市有啲影響。

中鐵C輪1815：中鐵（390）昨收8.28元，上咗市個幾禮拜，表現算係唔錯，前日陰燭之後昨日出現「十字星」，有機會試番10元嗰頭，如果升破9.11元就睇9.6元，可以買啲C輪1815短炒，昨收16.2仙，槓桿5.1倍（有效2.9倍）。
中鐵升上9.6元，1815可見25仙，正股跌穿7.8元止蝕。