當年今日

【短片】【有相】BIGBANG勝利台灣媾正妹斷正!

蘋果日報 2015/09/30 06:00

蘋果台灣香港韓國BIGBANG勝利即時

韓國天團BIGBANG上周到台灣開騷,開了足足四場,由於逗留喺台灣嘅日子唔短,根據台灣《壹週刊》報道,就拍團中最年輕嘅勝利夜蒲,上周六凌晨1時多,勝利被發現喺台北市大安區嘅一家夜店,勝利喺店內逗留至3點16分,就同一名面貌、身材都係水準之上嘅女孩,牽住手步出夜店,該名靚女手指着一個方向,對住勝利耳邊細語一番,勝利聽完之後,亦都跟住指向同一個方向,示意佢了解。

不過勝利未有為專注面前靚女,隨後一個轉身,又對住站喺門口嘅其他女孩搭訕,認真忙。勝利同女孩們傾到好high時,即時耍出佢嘅舞技嚟0氹佢哋,0氹得班女仔好鬼開心。雖然勝利最後離開時,刻意避忌與一名男子乘車離開,但喺佢哋嘅車子後面就跟住另一架車,而車子內就坐滿靚女,令人揣測佢哋之後再有下場。

其實勝利形象都係爛玩,2012年時曾喺日本鬧出一夜情醜聞,仲被公開床照,令佢形象受損。