蘭西情報課：入恆基謝偉銓談軍機
蘋果日報 2005/02/03 00:00
測量師學會前主席謝偉銓，周一做埋最後一日市建局物業及土地總監，禮拜二即過檔恒基為四叔效力，噚日出嚟見傳媒，認真繁忙。
佢接替張炳強做營業部總經理，今年主力搞三個大盤，包括屯門悠然自居、土瓜灣煤氣南廠及大埔比華利山別墅，共三千幾伙。
穩陣派嘅謝偉銓，對新盤定價大賣關子，並冇亂吹樓價會升幾多，只係話開盤要配合建築進度同市道，另外強調提升物業質素。
佢預計，細價樓悠然自居會年中前先推，而比華利山別墅屋仔，起好重未賣，皆因要喺用料、配套同園林設計各方面升級，可能年內推百間。
佢話，春節期間樓照賣，但係唔會有特別優惠，新年願望係：地產市道興旺，人人安居樂業。
力寶逆市短炒得手
上個月，港島有一百零八宗商廈成交，比前一個月一百五十二宗，減近三成，總值少咗六成八。
卓先資料顯示，一向熱賣嘅金鐘區，上月得番十九宗買賣，比舊年十二月減少四成二，不過，仍有投資者藝高人膽大短炒又賺到錢，例子係力寶中心二座十六樓十三及十五室，逾千九呎，兩個禮拜內轉售，獲利一百一十五萬，升值八點五巴仙。另外，中環區有十四宗成交，比十二月多五成幾，係唯一有增幅嘅區份。
不過卓先估計，今個月因為農曆新年關係，成交進一步放慢，但係造價就預期重有得升。
佢接替張炳強做營業部總經理，今年主力搞三個大盤，包括屯門悠然自居、土瓜灣煤氣南廠及大埔比華利山別墅，共三千幾伙。
穩陣派嘅謝偉銓，對新盤定價大賣關子，並冇亂吹樓價會升幾多，只係話開盤要配合建築進度同市道，另外強調提升物業質素。
佢預計，細價樓悠然自居會年中前先推，而比華利山別墅屋仔，起好重未賣，皆因要喺用料、配套同園林設計各方面升級，可能年內推百間。
佢話，春節期間樓照賣，但係唔會有特別優惠，新年願望係：地產市道興旺，人人安居樂業。
上個月，港島有一百零八宗商廈成交，比前一個月一百五十二宗，減近三成，總值少咗六成八。
卓先資料顯示，一向熱賣嘅金鐘區，上月得番十九宗買賣，比舊年十二月減少四成二，不過，仍有投資者藝高人膽大短炒又賺到錢，例子係力寶中心二座十六樓十三及十五室，逾千九呎，兩個禮拜內轉售，獲利一百一十五萬，升值八點五巴仙。另外，中環區有十四宗成交，比十二月多五成幾，係唯一有增幅嘅區份。
不過卓先估計，今個月因為農曆新年關係，成交進一步放慢，但係造價就預期重有得升。
土地註冊處每個月都有樓宇買賣合約登記資料公布，但係啲地產代理行，早過佢已經有同類資料出街，搞到啲官方資料反而好少人用，𠵱家土地註冊處資料加碼，希望挽回頹勢。
蘭西噚日收到註冊處註冊數字，發現多咗個表，有過去十三個月，樓宇買賣合約數字同金額分布，共分六組，由少於一百萬，到一千萬以上每組嘅宗數同比例，等讀者有更多參考。
講番一月份嘅登記，共有七千九百零九份住宅登記，比舊年十二月減少三點一巴仙；總值二百三十三億，減二點五巴仙。
雖然投資者注意力，開始由豪宅轉去中細價樓，但豪宅始終供應有限，價錢夠晒硬淨，唔憂冇承接。
聽屋之島董事歐志康話，港島區豪宅近排多咗封盤、反價個案，中半山最嚴重。佢透露，地利根德閣三座低層D，業主原本叫價二千三百萬，後嚟反價至二千四百萬。同時麥當勞大廈中層B，叫價都由千七萬，反到去一千七百五十萬。
歐志康指出，業主反價，代表非常睇好後市。就算今年樓價再急升嘅機會唔大，但歐志康估計，全年埋單計數，都會上升兩成。若果真係咁，難怪業主要封盤、反價嘞。
講開豪宅，九龍站上蓋凱旋門，聽聞各座已命名，叫摩天閣、朝日閣、影月閣、觀星閣，全部同天空有關。新地之前介紹過高空摩天會所，原來各座命名都騰空。
電郵地址：
力寶上月有十宗買賣，重有短炒獲利㖭。