【斷食療法減十磅】改行性感路線?駱胤鳴:冇人欣賞童顏貧乳
義工樂印姊妹駱胤鳴
樂印姊妹今日去將軍澳一間特殊學校出席義工活動,同學生們唱歌玩遊戲,兩姊妹接受訪問時話媽媽都係特殊院舍嘅員工,所以一路都有機會參與相關嘅義工活動,佢哋話:「雖然媽媽係做成人院舍,但我哋都成日會去做義工,陪佢哋出街食吓嘢,我哋係陪食專員。」
見到妹妹胤鳴身形清減咗唔少,佢話:「早排試咗個五日斷食療法,成功減咗十磅,以前着中碼o依家可以着細碼衫,因為見就嚟夏天所以要減吓肥。」
係咪諗住轉行性感路線?佢話:「冇人會欣賞童顏貧乳,減肥只係想捉住男朋友嘅心。」男友有嫌你肥咩?妹妹話:「咁又冇,只係自己想減啫。」