【江嘉敏唔畀男友探班】大台要求棄胡㻗保前途 劉穎鏇：唔會減少見面

蘋果日報 2018/12/08 16:39

江嘉敏劉穎鏇胡㻗
    江嘉敏同劉穎鏇今日喺尖沙嘴出席活動，仲同fans玩遊戲，提早慶祝聖誕節。佢哋話聖誕會同fans搞聚會，劉穎鏇直言因為有劇出街，ig都多咗人關注：「真係多人留意咗，希望可以同我哋嘅收視一樣上升。」
    問到咁會唔會喺ig度派下福利？劉穎鏇笑言會影多啲靚相畀大家睇，不過江嘉敏話：「你記唔記得我哋之前喺英國、菲律賓都有影床照㗎？」提議佢哋齊齊影比堅尼相？劉穎鏇就笑住話：「冬天喇，唔好啦，我好怕凍呀。」江嘉敏就自嘲無乜睇頭。
    江嘉敏早前公開戀情，唔知今個聖誕會唔會享受二人世界？點知佢就話要開工，仲叫男友唔好嚟探班：「佢都要返工，兩個人一齊開心就得啦，搵日食火雞。」劉穎鏇即搞笑話要做電燈膽一齊去。
    至於早前有報導，指大台要求劉穎鏇為保事業同胡㻗斬纜，劉穎鏇就話：「我都係第一次聽呢個新聞，其實我一直都話大家都係好朋友，唔知點解出面作咗咁多故事，所以我唔會特別回應。」佢仲話唔會特別減少同胡㻗見面，但當知道胡㻗日前回應話會避忌吓嘅時候，劉穎鏇就有少少驚訝話：「係咩？我諗係大家都想尊重大家啫。」
    精選娛聞，喺晒《娛果》
    http://fb.com/appledailyent
    empty
    （攝影：仇志德）
    empty
    江嘉敏話同劉穎鏇之前喺英國、菲律賓影咗好多床照。
    empty
    江嘉敏喺活動上錫劉穎鏇。
    empty
    劉穎鏇話同胡㻗係好朋友。
    empty
    江嘉敏話聖誕要開工，但唔畀男友去探班。