當年今日
關於我們

1號關伊彤玩遊戲獲手機
左慧琪成西報追訪對像

蘋果日報 2002/08/09 00:00


昨日十二位準港姐會晤評判和司儀,眾人穿上私伙連身裙,高貴大方。雖然20號嘉碧儀連奪五獎成頂頭大熱,但昨卻被另一熱門19號左慧琪搶風頭,有英文報紙的外籍記者專程採訪她,令左慧琪成為全場焦點。
今屆的香港小姐競選決賽後日舉行(十一日),宣傳活動愈見緊密。昨日眾準港姐先在尖沙嘴美麗華酒店參加「Orange親親港姐短訊遊戲」,即場以手機做心理測驗,結果由1號關伊彤得到最高分數勝出,獲得諾基亞7650手提電話一部。

穿連身裙夠大方
稍後大會又安排十二位佳麗與評判和司儀會面,眾佳麗昨日穿上私伙連身裙亮相,盡顯高貴大方一面。20號嘉碧儀連奪五獎成為頂頭大熱,但昨日卻被另一大熱門、中英混血兒19號左慧琪搶鏡,記者會上有一位《南華早報》的外籍女記者專程訪問左慧琪,相信左慧琪已有外籍支持者。
左慧琪對於成為英文報章的訪問對象感到十分高興,她說:「可能我識英文,佢都係訪問我點解參加香港小姐,同埋一啲關於我嘅嘢。其實之前都有《澳門日報》同港台搵過我做訪問,我當然開心啦。」

嘟嘟獲贊助珠寶
今次港姐的決賽司儀陣容有陳百祥(阿叻)、鄭裕玲(嘟嘟)和曾志偉,昨日阿叻和嘟嘟在台上會見港姐時,阿叻竟戲弄嘟嘟:「通常啲女仔企喺台上就會特別靚,好似結婚咁,但你都冇乜呢啲經驗。」嘟嘟聽罷即抵死地說:「我幾時都咁靚。」
另外,嘟嘟已獲得Bvlgari贊助價值一百萬元的珠寶,而她亦花了五萬元自置私伙晚裝在決賽夜上陣,甚有睇頭。
採訪:卓寶花 攝影:陳烱威