噚日係情人節,而皇家馬德里嘅巴西前鋒朗拿度,就喺法國尚蒂伊堡搞咗個盛大嘅訂婚派對,以作為畀未婚妻施卡莉妮嘅情人節禮物,重廣邀約咗包括大哨嘅皇馬隊友好似施丹、碧咸,以及一級方程式車神舒密加等二百五十名賓客,同佢哋一齊慶祝。
難怪大哨嘅經理人艾斯柏話:「雖然西班牙法律規定一個人唔可以同年離婚及結婚(大哨同佢前妻美蓮妮離婚不足一年);不過,朗拿度同施卡莉妮都當正今次係佢哋嘅結婚派對。」
據講,大哨呢個派對認真豪,淨係租座古堡,就用咗二萬歐元(約二十萬零三千港元),派對上所用嘅鮮花費用,就係七萬歐元;所有費用加起上嚟,要成九十萬歐元。不過,唔好睇大哨平時儍頭儍腦咁,佢嘅數口都不知幾精,佢已經將今次派對嘅獨家拍攝權,以四十萬歐元賣咗畀西班牙八卦雜誌《Hola!》㖭!
12碼爭晉級水鬥水
錫菲聯韋斯咸太自負?
星期日錫菲聯對韋斯咸嘅英格蘭足總盃重賽,打足一百二十分鐘都分唔到勝負,結果要以互射十二碼決勝,而錫菲聯就以互射十二碼三比一晉級,下場作客阿仙奴。不過,兩隊射十二碼就認真渣,射唔入唔係對方龍門醒,而係射得差,唔通佢哋賽前有信心得滯,冇練過十二碼?
贏愛華頓後隊酒醉駕
古莊臣被捕闖禍
車路士喺英超聯放領,唔知係咪咁,所以佢哋嘅前鋒古莊臣開心得滯,喺上星期六贏咗愛華頓後,同隊友去咗飲酒慶祝,重因醉酒駕駛俾警察拉咗。車仔領隊摩連奴以紀律嚴明見稱,但由於洛賓養傷,另一前鋒基斯文又唔識入波,古莊臣今次犯錯,可能走得