交通銀行（香港）前首席經濟及策略師羅家聰出席港台節目《千禧年代》時，坦言金融界言論自由收窄並非一日之寒，「個圈越嚟越窄，唔係講咩寫咩都得」，現時經濟師作市場分析時，更需考慮政治因素，中資行出現思想及心態審查，簡單而言「要好深藍先得」。

羅家聰指，當初以內部電郵，向同事傳閱一篇涉及批評特首林鄭月娥，以及中央政府的文章為離職觸發點，向來高調敢言、於交銀工作14年的他，逐漸有感行業受外力影響，「全個行業都係咁，唔係呢排，已經有一段時間，只係佢哋講嘢做嘢會諗過度過……做咗咁耐都冇嘢，做做吓俾人話唔啱，應該係外面變化咗。」

他補充，每逢香港發生社會運動，行內言論自由就會被收緊，趨勢更日漸嚴重，以往主要是中資行受壓，現時則波及至港資及外資，「驚得罪大佬呀嘛，好多唔敢講唔敢做。」他認為，經濟師需按客觀事實及數據作分析，倘連「走資」、「經濟下滑」等客觀環境都無法如實道出時，猶如欺騙顧客；另一邊廂，他亦要憂慮私底下道出事實會被「篤灰」，可謂處於兩難局面。

民建聯副主席周浩鼎早前表示，羅家聰受僱於銀行，若其經濟分析與銀行立場有出入，會令公眾百思不解，質疑銀行的經濟立場。羅家聰回應稱，對周的講法亦「百思不解」，因銀行的經濟立場，正正取決首席經濟師的分析，而公司會劃分不同區域，理應不會「踩過界」。

有指中資機構避免聘用香港員工，中環人陸續被溝淡，羅家聰表示，溝淡情況一直存在，「溝咗佢想放落嚟嘅人，就只會做到佢哋想睇想聽嘅結果，扭曲事實」，又指現時是大勢所趨，有金融界老行尊亦言無辦法。

被問到分析師的報告是否因審查而變得不可信，羅家聰笑言，「做經濟佬都係用宏觀數據，走去政府網頁一定攞到，不如自己試吓做吓」，可以自己的觀點加上多方面評估作出分析，「我從來覺得所有嘢買股票都係，自己分析最穩陣」。

10月電郵分享文章 料成被離職主因

羅家聰「被離職」的經過，是10月時將《信報月刊》一篇關於財金的文章以電郵形式發送給其他同事，其中末段內容疑令公司覺得有問題，因此要求他離職。

有關文章由香港業餘天文學家楊光宇撰寫，名為「大清亡國公債成貿戰新武器」，文章末段談及特首小圈子選舉及批評特首林鄭月娥想強行通過修訂逃犯條例，羅家聰估計是要求他離職的觸發點。

記者 楊佩玲

-----------------------
屬於香港人的移民攻略
立即登入【全球樓行】
Dream House零距離