裕泰興生意遍及地產、按押與財務,由羅肇唐喺六十年代創立,因為羅肇唐在家中排行第九,所以被稱為「九叔」。
羅肇唐三位公子:長子羅守弘係建築師,二子羅守輝修讀工商管理,細仔羅守耀修讀電影,曾監製電影《黑社會》,又負責為裕泰興見傳媒,較為市場認識。羅守弘與羅守輝則極之低調,特別係羅守輝,傳媒好難見到佢一面。
羅守輝最為人認識,係佢喺2003年買入新光戲院,呢個消息震撼粵劇界,業界關心羅守輝會否保留新光戲院。據講,羅守輝有廿年地產投資嘅經驗,偏愛長線投資,但係外間對佢嘅投資組合所知有限。
住宅方面,羅守輝喺2005年以3,500萬元買入嘉慧園G座頂層單位自住。隔籬H室,最近就以1.48億元賣出,呎價4.44萬元,創整幢豪宅呎價新高。
按田土廳資料,買家正是羅守輝太太梁婉玲(Leung,Yuen Ling Elina),兩個單位實呎分別係3,349方呎,隨時可以打通成6,700呎巨宅!
李華華
mailto:
[email protected]