Apple發佈會其中一項公佈，係Apple Watch將支援「Pokémon GO」，除了會告知玩家所在地有冇Pokemon外，Pokeshop更是不可缺少，亦可以即時檢測到卡路里消耗。與此同時，「Pokémon GO Plus」正式宣佈將於9月16日面世，價錢係3,500日圓（約267港元）。

「Pokémon GO Plus」外型係貎似精靈球再加一條手帶，坦白講，外觀的確...毒毒地，究竟多唔多人買？

至於佢有乜功能？只要有Pocket stop或精靈喺附近，手帶就會震動同閃燈，到時喺手帶襟個制、唔使用手機都可以轉到工具，而拋精靈球捉精靈嘅時候，佢嘅震動同閃燈會有所不同，令你唔使望住個mon都知道成唔成功捉到精靈。即使手機進入睡眠模式，遊戲亦會繼續運作。至於「Pokémon GO Plus」同Apple Watch支援「Pokémon GO」嘅功能有幾大分別，當然要推出後比較吓先知。

掌握財經生活資訊，即Like「蘋果ATM」fb專頁啦！
http://fb.com/appledailyatm