當年今日
關於我們

【申請3月紅館】阮民安集資開騷承諾退票 一拖再拖被指食人血饅頭

蘋果日報 2019/12/01 15:35

開騷阮民安人血饅頭

阮民安(Tommy)這幾個月除頻頻出席反送中活動,還在社交網不停爆seed鬧政府,過往負面形象一度成功洗底。他在9月6日在網上號召要舉行一場「沒有國泰,還有民安2.0演唱會」為手足打氣,票價分兩種,分別為$380、$280,同樣是企位,Tommy表示學生免費入場,並歡迎其他人資助學生欣賞自己演出,當時他寫道:「我同團隊決定先用10日去接受大家嘅登記同購票,再會用7日去點算同埋統計同決定演出場地。」Tommy當時計劃可在9月30日公佈演出場地及日期,同時又承諾訂不到場會100%退票。
Tommy於10月底時曾回應先後申請旺角麥花臣場館和灣仔伊館被拒,懷疑受政治打壓,他表示仍會物色新場地,據知他本申請下月北角新光戲院開騷,但又搞不成。Tommy兩次申請被拒仍未打算先退款。距離集資開騷接近3個月,Tommy仍未有詳細交待,近日有網民在連登討論區開帖質疑Tommy食人血饅頭問:「Tommy收咗啲錢去晒邊?」帖文一出即上熱話版,網民負評排山倒海,斥責Tommy「搶光環唔緊要,食人血饅頭先仆街」、「錢字行頭,真係撐港人咩」、「唔出盡力扮深黃,點cap你哋班儍仔錢呀」、「一直都覺得佢做多咗」,亦有人重提Tommy曾在2012年借出售BIGBANG演唱會門票票尾涉嫌行騙一事。
《蘋果》昨晚向Tommy求證會否先退款、網民揶揄他吃人血饅頭兩項指摘,他未有回覆。Tommy凌晨選擇在facebook以長文澄清:「今日又同時睇到Tommy嘅演唱會人血饅頭論……唔知點解,一靜落嚟,就開始搵嘢清算,呢幾日見勁多……我們切切實實做事,但現實情況係我哋被不同場地瘋狂打壓中!」
Tommy列舉申請不同場地遇到各項考驗:「伊館、Sxxx Hxxx、麥花臣、甚至新光戲院等!考驗林林種種,包括:『專登』寫錯我們申請日期、『突然』緊急維修、出了合約又突然冇場,更甚者要求預先審批節目Rundown,各種想到、想不到的情況接踵而來。」他又附上紅館的申請紙說道:「團隊堅決不放棄,我們已經再入紙伊館3月5-6,3月18-19,或3月任何一個場館檔期,而我哋亦正式入紙申請紅館檔期3月16-19,並會有議員協助,希望一定要喺打壓下成功爭取場地!」有網民留言力撐,亦有網民繼續質疑:「咁呢個show嘅收益會唔會撥捐定你袋?如果你係用呢個運動做招徠嚟賺錢,咁好難打甩人血饅頭呢個罪名喎。之前你話開show都有人問過你,你話會研究吓下,咁而家呢?」
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
empty
Tommy貼出入紙申請3月搞騷。(FB圖片)
empty
Tommy的騷一拖再拖。(FB圖片)
empty
網民質疑Tommy食人血饅頭。(互聯網截圖)
empty
網民斥Tommy。(互聯網截圖)
empty
Tommy惹負評。(互聯網截圖)
empty
也有網民撐等看騷。(FB截圖)