天文台今早連續第三天發出暴雨警告，昨日更發出新界北部水浸特別報告，其中大埔赤泥坪一度有村民被困，報警求助。今晨的黃雨亦令赤泥坪居民陷水浸之苦，村民指水深一度到膝頭，對經常水浸表無奈，為防止水浸入屋，考慮築欄擋水。

村民伍太今晨對《蘋果》表示，「都係咁大雨，頭先去到壆咁高，水深及膝。瞓都瞓得唔安樂，始終都驚水浸再大啲，會浸埋入嚟（屋內）。」她住赤泥坪約10年，坦言「咁耐都未試過浸入屋，如果再大啲雨，用沙包圍住，等到好天，就起個欄擋水，依家連續咁大雨，做唔到，我住喺度10年，今年水浸最犀利，後欄浸晒，我懷疑因為工程斬晒啲樹同鏟走斜坡啲泥有關。」　

伍太曾尋找當區區議員及致電1823求助，職員回覆會盡快跟進，她說迄今未有區議員接觸他們。

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568