【輕佻有原因】敖嘉年送外賣遇刁蠻客人：一開口就知有古怪
蘋果日報 2020/06/11 17:00
敖嘉年中佬唔易做
（影片截圖）
ViuTV真人騷《中佬唔易做》在上周四正式播出，今次邀請了麥長青、張松枝、古明華、敖嘉年、艾威和袁富華一班資深藝人，體驗人到中年轉行的難處。在昨晚播出的第五集，輪到古佬和嘉年出場。
古佬當年在演藝畢業後便入行做演員，一做就做了數十年，再加上又年過50，在欠缺工作經驗的情況下，幾經辛苦才找到在一站式家居用品專門店擔任售貨員，之不過第一日返工，從制服、工作態度與及待客之道，已經遇到不少困難，接着到了嘉年出場，問題似乎比其他人還要多。嘉年在節目擔任電單車送外賣，送第一單外賣已經被客人刁難，先在門口等了數分鐘仍未開門，惟有唱歌自娛。當客人開門後，質疑嘉年何解要拍片，雖然嘉年已經表明是自用，而且不會影到客人的容貌，但客人仍然不罷休，繼續追問他否網紅，是否可以報警，嘉年笑笑口說：「可以o架，其實。」
節目完結後，一如過往繼續有網民討論，有人覺得嘉年的處理手法略嫌輕佻，無端端在客人門口唱歌，聽到對方表示要報警，亦未有試圖調停；但同樣亦有人覺得該客人的態度亦有問題，何解明知有人送外賣，遲遲不肯開門，不過有心水清的網民發現，這個客人正是ViuTV藝人譚凱倫（Helen）。嘉年今日接受《蘋果》電話訪問，講到客人原來是自己人一事，他笑說：「我唔認得佢，但係嗰個女仔開門嘅時候，第一個感覺覺得佢唔係客人，因為成個過程都好奇怪，一來要等咁耐先開門，二來講嘅嘢又咁古怪，已經知係『媒』，不過當時我諗唔好篤爆喇，無謂呀，咪繼續當真去做。」
正因為未有防範，所以嘉年以輕鬆的態度面對，因而令人有錯覺：「我覺得劇組真係有啲整蠱我，有好多好古怪嘅事發生，我都有問過佢哋，咁梗係冇人認喇，到走嗰陣仲話個女仔幾靚，應該去電視台做。我本身冇睇過啲留言，可能真係處理唔好，sorry呀，真係冇處理過呢啲問題，不過就算係鬧又好，笑吓都好，最緊要大家睇得投入同過癮。」嘉年預告今晚播出的一集會更加感人：「好似有翻電單車嗰幕，好多人以為係我翻，但事實係另一個人，嗰一刻睇到真係好唔開心，之後仲遇到好多千奇百怪嘅事。」
嘉年表示原來「散紙」是很重要。（影片截圖）
靠電話找地點。（影片截圖）
送貨途中遇着電話沒有電。（影片截圖）
嘉年最後去了便利店充電。（影片截圖）
古佬返工遇到不少困難。（影片截圖）
（影片截圖）