東亞銀行一信用卡客戶，一項四百五十元簽帳，銀行過數時變為四萬五千元，以致超出信用卡信貸限額，帳戶被凍結，未能憑卡在櫃員機提款，多次向銀行信用卡中心投訴，但職員始終未有解釋原因，經《蘋果》跟進後，查明原因及解凍帳戶。

「我頭先諗住用張卡提款，但竟然唔得喎。打電話去卡中心問，職員話先排有張四百五十蚊簽帳被加大一百倍，所以膨脹成四萬五千蚊，爆咗張卡限額，所以用唔到喎。」
東亞銀行信用卡客戶黃先生向本報投訴稱，東亞銀行職員只謂有不少同日簽帳的萬事達卡客戶，均遇到上述情況，但卻沒解釋原因。他說，因當日未能使用信用卡在自動櫃員機提款，以致身無分文，最後只好硬着頭皮向家人商借數百元應急。

銀行職員未解釋原因
他稱，他雖明白信用卡中心可能因為電腦故障或其他原因，令他的信用卡帳戶被凍結，但何以連儲蓄戶口也被凍結？銀行職員未能解釋原因。
「我諗住將個儲蓄戶口附帶落信用卡內係方便自己，但點知會因為咁反而重攞唔到錢。事發後我已不停咁打電話去卡中心投訴，職員都冇解釋。向《蘋果》投訴咗幾日，佢哋先同我搞掂埋張卡。」