內地節目《爸爸去哪兒》播出後大受歡迎，有關方面仲將節目拍攝電影，喺新年期間上映票房收視理想。

近日，有傳湖南衛視眼見節目《我是歌手》第二季咁多人留意，有意將節目拍成電影版。有指內容關於7位歌手，包括鄧紫棋﹑張宇﹑周筆暢等，由出道到成名一直紀錄拍攝，直至佢哋參加《我是歌手》節目，戲中部份片段係《我是歌手》節目未播出街嘅幕後片段。

電影版籌備工作已經開始，據知電影可能喺今年年底完成。今日有關事情由藝恩資詢微博提及呢件事，話呢季節目播出後，就會正式籌備電影，但《我是歌手》導演洪濤就表示唔知情。