【下月開畫】《屍殺》續集晒冷發佈會 姜棟元自爆前作太成功有壓力
蘋果日報 2020/06/16 10:37
姜棟元屍殺半島
《屍殺半島》今日舉行發佈會造勢。
賣座韓片《屍殺列車》續集《屍殺半島》（半島）將於下月在韓國開畫，而香港方面同樣亦於下月上映，不過今次並非由孔劉、馬東石、鄭有美等原班人馬演出，改由姜棟元及李貞賢等人主演，觀眾同樣期待。
《半島》導演延尚昊今日率領一眾演員現身網上發佈會，陣容強勁。對於續集再次出戰康城影展，姜棟元表示：「好榮幸能夠被康城影展正式邀請，雖然康城影展未必可以如常舉行，但感到非常榮幸。就連外國嘅朋友亦都有聯繫我，話祝賀我哋。」
女主角李貞賢亦坦言十分高興，並說：「非常高興，雖然很想去康城，但係冇得去，真係好可惜，非常感謝導演給我機會出演康城影展邀請嘅作品。」而姜棟元亦透露出演《半島》的理由，坦言接拍前因為前作《屍殺列車》太成功，令他增添不少壓力，他說：「事實上，作為演員嚟講，接拍後續嘅作品一定會有一種負擔，不過個劇本太有趣，令我冇晒嗰種感覺。韓國好似冇呢種『末日幻想』嘅電影，亦都係我喺呢部作品想展現嘅概念。」不過姜棟元私底下卻並不是太喜歡看喪屍片，而且亦戥片中扮喪屍的演員辛苦，他說：「片中殺最多喪屍嘅唔係我，而係李蕊。但我同喪屍打鬥嘅場面比較多，所以拍得好辛苦，不過最辛苦始終都係扮喪屍嘅演員。」
至於導演延尚昊已先後三次出戰康城影展，他也直言十分幸運，他說：「我自己也很好奇，我不認為我抓住了這個機會，係我好幸運。拍咗6部作品，有3部作品獲得康城影展邀請，正在思考剩下嘅三部作品和選擇嘅作品有甚麼唔同。」提到片中最強人物，延尚昊即大爆非14歲童星李蕊莫屬，更大讚她在片中有出色的演繹，並說：「如果話《屍殺》中有馬東石對抗喪屍，喺《半島》中佢就好似馬東石一樣。」
《半島》的故事是發生在《屍殺列車》之後的4年，內容更與香港有關，講到退伍軍人正錫（姜棟元飾）和家人登上難民船逃離韓國，幸得香港收容，以「半島難民」身份在香港重新生活，但正錫因受不住金錢誘惑而重返韓國，竟然發現仍有一班未受屍毒感染的人在掙扎求存……
姜棟元
延尚昊
導演今日率領一眾演員宣傳《屍殺半島》。
今集由姜棟元孖李貞賢擔正做主角。
14歲的李蕊於片中打死最多喪屍，被導演封為片中最強人物。
《屍殺半島》下月在香港上映。
今次續集故事同香港有關。