當年今日
關於我們

【韓流】23歲韓可露下月嫁圈外人

蘋果日報 2015/10/04 06:00

蘋果香港韓國即時綜藝節目真的漢子韓可露

現正拍攝綜藝節目《真的漢子》女兵特輯嘅23歲女星韓可露,今年5月先公開有個大9歲嘅圈外男友,戀情公開未夠半年,韓可露今日就爆出婚訊,表示下月就會同男友結婚,非常甜蜜!

今日,據圈內人士透露韓可露將於下月跟男友結婚,而韓可露今早亦於網上承認婚訊,表示:「一早開始就因為電話聲而起床,原來係結婚嘅新聞公開咗。雖然有啲慌張,但都係覺得應該由我親自傳達,所以寫下呢啲文字。」

韓可露表示:「我要同呢一年培養出好感情嘅男朋友結婚啦。因為係真心珍惜我、愛我嘅好人,所以有信心並決定結婚。雖然仲年輕,工作都好重要,但於人生中,對嘅人同結婚時機要相互配合並唔容易,我認為同身邊呢個人嘅姻緣係命運,所以決定結婚啦。婚後都會努力活動!會好好生活的,請為我加油、祝福。」

據知二人上年透過朋友介紹而認識,之後成為戀人,拍拖一年間非常照顧對方,因此決定一齊組織家庭,而粉絲亦留言祝福「要幸福呀」、「祝你們幸福美滿」等,雖然韓可露未有公開確實嘅結婚日期,不過其身邊人就透露一對準新人將於下月8日喺首爾行禮。