【專注事業】蔡思貝掛住拍劇冇約食飯 怕余德丞會嬲自己
蘋果日報 2019/09/03 19:20
陳嘉寶許亦妮蔡思貝許芷熒
2011年度港姐季軍許亦妮（Whitney，現名許芷熒）今晚在尖沙嘴洲際酒店設婚宴，與拍拖兩年多的商人男友Alex馮結婚，共筵開40多席，港姐師妹蔡思貝擔任姊妹，蔡思貝指今次是第一次真正做姊妹，由早上6點開始經歷整過過程，上次做孫慧雪的姊妹時，因為有工作，所以沒有經歷整個過程。她又指今天每個人都哭，因為聽到一對新人愛的宣言，承諾會愛對方一世。到斟茶的時候，雙方父母的祝福語，也聽到眼濕濕，去到一對新人說誓詞時，她就忍不住，躲在柱後偷哭。
問到誰人接到花球？蔡思貝說：「我專注事業，唔需要，係一位圈外嘅朋友接到。」對於余德丞和周秀娜傳緋聞，問到是不是因為周秀娜搶走余德丞，所以要專注事業？她說：「我而家同事業拍拖，其實余德丞9月2號生日，我都有約佢下星期食飯，在心中啦。其實我都唔知呢單新聞，係你哋問我，我先知。」問到有沒有呷醋，她說：「我怕佢嬲我唔得閒理佢咋，因為我拍緊劇。」問到如果約余德丞食飯，他帶周秀娜出來的話會怎樣？蔡思貝先指今天很開心，然後笑叫記者不要再問。
朱晨麗和許亦妮是同屆港姐，朱晨麗說：「好感動，佢終於嫁得出，快過我！祝佢三年抱兩。（佢老公話想生4個喎。）都得嘅，可以食得好飽，又可以餵人食。」朱晨麗又指今天之前沒有見過新郎，只是在網上看到側面相。
問到朱晨麗的緋聞男友何廣沛有沒有來，她指許亦妮只是邀請了自己，問到是不是已經公開了和何廣沛的關係，朱晨麗說：「我都係噚日先知今日自己嚟，睇緣份啦，要擇日。」至於她自己何時會結婚，她就指看緣份，又指自己會回家鄉過中秋，至於會不會和何廣沛一齊回去，她說：「今次單拖，希望下次有機會啦。」
另外，陳嘉寶（Anjaylia）亦有到場祝賀，問到Anjay最近盛傳其好友王敏奕與曾國祥於日本秘婚，Anjay表示：「真係唔知，我冇聽過，如果係都好正常，但係我真係冇聽過。」那麼有多久沒與王敏奕見面？Anjay說：「都有兩三個月冇見喇。」記者笑問是否因為王敏奕待嫁？Anjay說：「唔係，只係大家各有各忙啫。」如果王敏奕真的結婚而卻沒有通知她，會否覺得不開心？Anjay表示：「唔會唔會，所有嘢都係開心事，好似今日咁都係開心嘅。」
（攝影：林賓尼）
蔡思貝指今次是第一次真正做姊妹，由早上六點開始經歷整個過程。
她又指今天每個人都哭，因為聽到一對新人愛的宣言，承諾愛對方一世。
朱晨麗又指今天之前沒有見過新郎
陳嘉寶亦有到場祝賀。
陳嘉寶表示不知道好友王敏奕的秘婚消息是真是假。