疫境自強，亦要靠旁人扶持，蔡穎怡（Katherine）不諱言曾經硬着頭皮售賣 口罩 ，感激朋友們解囊相助， 疫情 期間又有溜冰場東主願意減租借場予她教學，減輕其財政壓力。

全球缺口罩者眾，蔡穎怡所接訂單之多超乎其最初想像，她亦深知部份有心人實際上只為扶她一把，「我知有買嘅人唔係缺口罩，有啲朋友嘅朋友係覺得呢個人有困難，我哋去幫助佢啦。」運動員陷入困境，蔡穎怡指有顧客以高於定價的價錢購買，「當我要畀人幫時，係有個心理關口，呢樣嘢係要勇氣，但佢哋真係好nice。」蔡穎怡的社交網絡擁多國網友，她所接的訂單甚至遠至美國，她笑說「嘩！真係We Connect，成功connect咗好多唔識嘅人。」

好人好事不只口罩顧客，早前康文署轄下的溜冰場暫停開放，疫症當前，仍有零星學生願意隨她到私人室內場上課，「我好感謝家長畀小朋友冒險嚟上堂，疫情下我工作責任好大，一對一就相對比較安全，而且一個人我又可以執佢唔好嘅嘢。」家長擔心課堂人少，她未能負擔場租反要虧蝕，但反而是場地負責人先行減租，「前輩老闆好好人，畀我交一半場租，所以我就同家長話『總之如果計落我仲係正數嘅，賺一蚊我都教啦。』」

記者：洪量丰