翁靜晶人生閱歷豐富，做過演員、電台主持、保險從業員、作家、律師，為生計，連幫人織冷衫都試過。

翁靜晶話﹕「16、7歲嗰時，我就遇到劉師傅，我就正式宣佈息影。我要證明俾你哋睇，我唔係貪佢乜嘢，我淨係想同佢一齊，後來冇幾耐就生咗小朋友。」做咗幾年家庭主婦，劉家良突然證實患上未期淋巴腺腫瘤，當時大女5歲，細女只有2歲，翁靜晶亦覺得好傍惶﹕「我係好驚好驚，喺嗰個時候，我就知道我要擔起一頭家。」

經朋友介紹下，翁靜晶決定投身保險業，憑住唔怕苦、唔怕捱、唔怕煩，仲做到百萬桌會員資格，佢沾沾自喜話﹕「你知唔知我第一批客係咩人？嗰時做明星嘅時候呢，好多記者追訪你，到我做保險之後，我就纏繞返佢哋。咁我就日日坐喺報館，捉住一個一個買，所有都走唔甩。開始搵到錢之後，我就諗緊不如我去讀書，咁我就發現，我法律嗰科考得好高分，於是我就入咗去香港大學校外進修學院，讀咗一個文憑課程。」

明星讀法律，翁靜晶坦承遭受過唔少白眼，但反而令佢意志更堅定，仲以破紀錄成績畢業。好多人覺得做律師「錢」途無限，但翁靜晶選擇公義發聲，佢話﹕「呢個就係做律師之前嘅決定，你決定究竟係想搵大錢，定係想做一樣嘢有使命感，等你退休嘅時候，仲有啲嘢講俾啲子孫聽。最賺錢嘅律師，應該係做一啲商業嘅嘢，而我去做嘅，多數係一啲囚犯福利嘅案件，好多時候都係冇錢收。」問到最喜歡邊一份工作？意想不到，竟然係DJ，佢解釋﹕「因為唔使化妝，唔使着靚衫，剩係帶把聲去就可以。當時個節目好似叫《愛情女殺手》，都幾受歡迎，我會俾一啲以個社會睇難好難接受嘅答案俾啲後生仔，呢啲答案就引起咗啲社會爭議，但爭議還爭議，我擁躉多，嗰段時間好開心㗎。」

記者：嵐山、馮國康、倩宜
攝錄：馮峰、卓振輝
攝影：陳俊強

【俠味道‧翁靜晶(1)】恩愛三十載之謎 翁靜晶點解叫劉師傅做細B？
http://bit.ly/2AnvNoz

【俠味道‧翁靜晶(2)】明知劉家良已有家室 翁靜晶：以前嘅社會好唔同
http://bit.ly/2jbxufo

【俠味道‧翁靜晶(3)】浪漫等如浪費 劉家良餵包餵到翁靜晶反面？
http://bit.ly/2kiuroY

【俠味道‧翁靜晶(4)】翁靜晶 劉家良戲假情真 張國榮原來係月老
http://bit.ly/2kkwDw3

【俠味道‧翁靜晶(5)】悲慘童年練就堅強個性 翁靜晶親述被虐經過
http://bit.ly/2zLBObq

【俠味道‧翁靜晶(6)】越南出世 翁靜晶點樣「攝罅」成為「香港人」？
http://bit.ly/2BxxcGd

【俠味道‧翁靜晶(7)】父母離異 翁靜晶9歲入貴族學校寄宿受虐：成身皮膚爛晒
http://bit.ly/2zO7sVT

【俠味道‧翁靜晶(8)】母親錫晒孻仔 翁靜晶14歲離家出走：你打死我啦！
http://bit.ly/2A3xPeg

【俠味道‧翁靜晶(9)】《喝采》擔正有段故 翁靜晶讚哥哥係天才
http://bit.ly/2iVyB5V

【俠味道‧翁靜晶(10)】拉埋細佬賣汽水維生 翁靜晶：有腦㗎嘛！
http://bit.ly/2AuwuMU

【俠味道‧翁靜晶(11)】寄張相就做咗演員 翁靜晶：從來唔覺得自己靚
http://bit.ly/2imvrEf

【俠味道‧翁靜晶(12)】細訴與陳百強關係 難忘對方教Table manner
http://bit.ly/2BF7e3M

【俠味道‧翁靜晶(13)】對梁振英完全改觀 翁靜晶歎權貴為錢噤聲：唔想得罪人
http://bit.ly/2kxF7A0

【俠味道‧翁靜晶(14)】單挑定慧寺惡尼 佛門個個自保：你信佛咪搞咁多嘢
http://bit.ly/2jqUg2J

【俠味道‧翁靜晶(15)】仗義每多屠狗輩 市民自發眾籌幫手打官司
http://bit.ly/2BfYXa8

【俠味道‧翁靜晶(16)】「中共統戰部」恫嚇翁靜晶 撻朵都撻錯
http://bit.ly/2BIDoLS

【俠味道‧翁靜晶(17)】 香港五十年不變終會過去 翁靜晶感歎：無可避免
http://bit.ly/2k9e8Hp

更多娛聞，喺晒《娛果》
http://fb.com/appledailyent

更多娛聞，喺晒《娛果》
http://fb.com/appledailyent