爆完向華勝情史和「見血即暈」的秘密，蕭若元於昨晚一集《蕭遙遊》節目中還大爆向華勝賭外圍。

蕭若元謂:「佢賭馬，千幾萬一日，仲有好多外圍啦，我係唔明，你買幾萬銀一條Q，你買4穿11嚟做乜嘢嘢呢，如果4穿11過到尾會出現乜嘢狀況呢。終於有日，係過咗3關，個銀碼已經係五、六千萬，再過落去就係幾億或者10億，你係玩自己咋喎，嗰個人實走佬，邊有人會賠俾你？啲外圍佬都走晒啦，你賭咁大外圍做乜嘢啫！

「嗰時佢前妻Stella夾得佢好緊，向氏兄弟好多都怕老婆，佢冇上限派，因為佢係買外圍，因為咁大注唔能夠落馬會，會沖淡晒個注數，佢話去到第3場，全港外圍佬玩神打『dum』腳要佢輸。」

據知向華勝還特別喜歡鋤大D，注碼可不少，曾與友人玩鋤大D，1晚贏得998萬，而麻雀耍樂亦是他的喜好賭博活動，向華勝曾表示，奇牌花糊他也嘗過，賭運可算是不俗。