雖然歐洲主流聯賽轉會窗已關閉，不過土耳其周五先關閉，最後一日都有唔少國腳級人馬去土超搵食；好似費倫巴治就剛宣佈，借用熱刺嘅荷蘭前鋒雲遜贊臣，為期一季。

雲遜贊臣雖然挾荷甲神射手威名，上季加盟熱刺，但表現認真唔對辦，38場比賽只入6球，當中仲有4球係射入12碼添；熱刺今季簽入西班牙前鋒洛蘭迪，英格蘭射手哈利卡尼亦回勇，所以放心借走雲遜贊臣。