當年今日
關於我們

【壹週刊】90後食串燒食到開鋪 自創三重芝味醬

蘋果日報 2015/01/28 05:20


【壹週刊】開餐廳通常有甚麼原因?有三個90後男孩就一齊去食串燒,叮一聲,「不如我哋都開番間啦!」現在的年輕人坐言起行,馬上揾鋪裝修。餐廳其中一位負責人Milk,酒店管理畢業,在香格里拉酒店做過廚房和樓面,現時差不多包辦串燒店訂貨、調製醬料兼即叫即燒。佩服。

壹:營運餐廳比想像中困難嗎?

M:未掌握到人流,週五六日通常好多人,但上星期落雨,成條街靜晒。買咗好多鮮蝦、帆立貝,我又唔想放太多日,最後要掉。另外係時間長,樣樣都要做,連我媽咪都笑我竟然學識拖地洗碗。

壹:那會很難保持食物新鮮嗎?

M:可以唔訂貨就盡量唔訂,減少大手入貨。蔬菜、海鮮可以到去附近街市買,雖然辛苦,但親手揀過會更確保新鮮。希望盡量做到即叫即燒,燒定再番炸會又乾又韌。

壹:大圍同區有不少串燒店,如何突圍?

M: 我用咗三種芝士車打、Mozzarella、巴馬臣來調配芝士汁,坊間少有,配肉類、蔬菜好夾。另外我以前喺酒店做過,向唔少中西大廚偷師,例如用來燒茄 子嘅蒜茸汁,就用生蒜、炸蒜、菜甫等,炸蒜更要用豉油煮過。食材我都花心思揀較少見的,例如煙肉荔枝、雞皮,近來鑽研燒水果,士多士啤加焦糖應該幾啱味。
 
iPhone版下載: http://goo.gl/1SDaWF
Android版下載: http://goo.gl/xfQS8D
壹週Plus網頁: http://nextplus.nextmedia.com/