原定由韓國男星朴海鎮及女團After School成員Nana主演、《來自星星的你》導演張太侑執導嘅新劇《四子》，今年1月開機拍攝，但7月就爆出是非，疑因片商拖糧而於5月起一度中斷拍攝。片商更換導演及女主角後，曾於8月底重啟拍攝，不過男主角朴海鎮上月宣佈因合約到期而辭演，導致《四子》嘅拍攝工作再次停止，劇集有機會隨時難產。(相關新聞連結： https://bit.ly/2PLPfUI )

而今日就有報道指，《四子》正準備第二套拍攝方案，或會改成季度劇播出。報道引述業內人士透露：「《四子》原本打算於本月內重新開機拍攝，但計劃最終告吹，目前正協商演員嘅行程，因為情況未如人意，片商正尋求其他解決方法。」續指：「目前拍攝咗嘅分量可以製成6集內容，有可能會以6集作為第一季嘅內容，之後再商議第二季嘅拍攝，至於朴海鎮未拍完嘅部份，亦有可能會搵其他演員接替。」

對於《四子》嘅新拍攝安排，片商就表示：「一切仍係商議階段，尚未確定。」

另外，一向熱心公益嘅朴海鎮，趁住前日平安夜，到兒童機構送暖，並父愛爆棚同小朋友玩得好開心。

精選韓流，喺晒《娛果》
http://fb.com/appledailyent