松松姐姐陳松伶，在無綫的日子，深得六叔疼錫，不時獲六叔邀請到家中吃飯和睇戲。當時更有傳是六叔欽點松松與鄭伊健合作拍劇。亦有指，當時六叔最疼愛的演員，就是松松與曹眾。

已為人母的曹眾今日接受本報訪問時表示不願多談，身在上海的松松，今日則說:「以前喺清水灣(舊電視城)嗰段時間，俾自己好大懷念，係自己最開心嘅時間。嗰時自己仲係個半工讀學生，好多時六叔都好照顧我哋後輩，喺佢別墅請我哋食飯，欣賞邵氏舊片，甚至乎佢哋都好關心我哋要鍛鍊身體，叫我哋得閒過嚟游水，有個長輩不斷關心你，幫你打氣，同我講以前電影。」

外界指六叔平時很少說話，但松松卻謂:「六叔有好多嘢講，講以前嘅嘢，透過佢以前嘅經驗、佢嘅事情，你會對將來會有個遠景、有個憧憬，所以帶比我有個希望同盼望感覺，透過彼此傾偈，一啲激發，喺創作方面會有更加多唔同表現。對佢離去都好惋惜，佢始終係呢100年間一個傳奇人物。」

跟六叔相處有何深刻往事？松松說:「09年代初有好多手提電話興起，佢都問：『呢啲點用？我都未用過，雖然好多人送畀我，但我都唔識點用。』」

「六叔特別鍾意食，好多時同我哋食飯，事先都會fax個菜單過嚟，喺個菜單講低有乜嘢好食，呢啲點點滴滴都係好開心嘅事。」

有沒有跟六叔學耍太極？松松說:「佢有要求，叫我去游水、耍太極同打坐，佢話:『我咁強身健體都係日日打坐。』但佢耍太極要好早起身，成朝早6點，我係一個幾懶嘅人，所以一直都冇試。而我哋打坐係變咗瞓覺，但佢打坐真係可以冥想、靜心、可以沉澱吓喎。」