沈卓盈、馬國明與楊潮凱今日出席尖沙嘴皮具品牌活動，貴為人妻的沈卓盈未有收起性感，大晒事業線，吸引不少圍觀者拍攝。她自認是愛袋之人：「做女嘅時候，有時賺到錢就會買手袋獎勵自己，十年前嘅手袋都有keep住。」她笑指丈夫每逢大時大節都不用太花心思，只要送手袋便夠，問到丈夫眼光是否合心水？她甜笑說：「啱，佢好醒目，會留意我睇雜誌時睇咩款。」講到收藏數量，她屈指一算笑笑口沒有答，至於最貴一個價值多少？她指自己着重款式多於價錢，更加是搬到那裏住，手袋便搬到那處，自問非常慳家。

早前拍完電影，再接拍廣告，為了廣告在3星期內減掉5磅，她不肯透露廣告內容，只表示是健康及需要fit，問到拍廣告前會否需要丈夫過目？她說：「唔會，係好健康，佢對我工作好有信心，唔會懷疑。」她更指丈夫陪她吃得清淡後，也練得六嚿腹肌。談到造人大計，她指這是上天禮物，順其自然。

馬國明拍完劇集後，終於有時間休息至八月才開工，屈指一算已經連續拍了三部劇，問到會否休息去旅行？他說：「應該唔會，難得有時間又唔使同劇組期，梗係搵真銀同埋返大陸登台。」

-----------------------------
【新聞有價】6月17日起 繼續撐蘋果
http://bit.ly/2IJ24ZR
--------------------------------
【記住63836568】全民爆相爆片！下一個爆料王就係你
https://bit.ly/2Guolu9