松岡李那今日在新蒲崗出席活動，她透露聖誕節將會與女性朋友在日本東京渡過，加上近排有不少朋友分手，所以更要陪朋友。現時單身的松岡，坦言很想拍拖，她笑說：「唔知邊個好，日本或者香港男仔都OK，但未遇到香港男仔，日本男仔同我就同聲同氣。」提到緋聞男友張建聲，松岡即說：「唔係，唔係，我哋係好朋友，佢係一位好專業嘅藝人。」

談及工作，松岡表示有在日本拍戲，亦有參與角色試鏡，但原來她還有投資飲食生意，她說：「我同媽咪喺日本廣島開咗一間意大利餐廳，而家裝修緊，明年營業。」問到投資金額？松岡笑言不知道：「媽咪本身有好多舖頭，今次佢問我會唔會一齊開。（做生招牌宣傳？）唔會喇，我怕醜，呢間餐廳太大，所以一半做餐廳，另一半放租，同埋我喺六本木都有間cafe。」

採訪：黃曉妍
攝影：林賓尼

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇