【add】
紅人主場:李心潔大愛無敵

蘋果日報 2015/06/25 05:20

柬埔寨選戰葉晴add李心潔彭順宣明會張艾嘉少女標本念念Johanna Ho紅人主場鬼后fave by kennylimethodology112 mountainyamzo-eeboogie女性主義

「鬼后」李心潔一瞪眼有點惡,《選戰》中的葉晴又充滿凌厲霸氣。私底下,李心潔其實是個大愛氾濫的女人,最經典當然要數「愛得好深刻」而原諒不忠丈夫彭順;長期助養超過20個小孩,今個月又收養流浪狗,愛人愛動物愛生活。下年40歲的李心潔,近期忽爆懷疑有孕,她淡淡然否認,「唔一定要我自己生嘅,先可以愛佢,我做得到呢點!」

撰文:林妙萍
攝影:周樂恒
造型:陳蔚渝
化妝:Yannes of ND&CO.
髮型:Pi4.com.hk
李心潔和導演老公彭順相戀七年之後,在2010年結婚,婚前婚後,彭順女兒一直由心潔照顧,她受訪時,也曾坦言,「雖然個女唔係我親生,但係我已經當佢係我嘅全部。」近期她因着鬆身裙被傳懷孕,她不諱言愛小孩,「我不嬲鍾意小朋友,至於生唔生,順其自然啦,無論有冇自己生嘅小朋友,有冇都好,都可以充實咁生活。」心潔否認懷孕,「冇呀,啱啱先喺上海返,着高跟鞋做咗好多工作。」
自問可以視如己出,無分你我她。李心潔在老家馬來西亞辦了一個慈善計劃,為弱勢兒童提供膳食,「𠵱家每日係養緊差不多一百多個小朋友食飯,自己助養嘅小朋友,就有二十幾個。」她早前跟宣明會到柬埔寨探訪,深入了解當地貧窮情況、人口販賣問題等,探訪過程,她直言如坐過山車,接觸被迫從事性工作的15歲女孩、到當地人飲用的紅泥水池打水,「我嘅心情真係起起跌跌,有時好難過,有時好心痛。」
不過,也有開心時刻,就是李心潔見到自己四個仔女:助養兒童。「我到達嗰一日,其實已經係黃昏,我啲仔仔女女已經喺宣明會等緊見我。其中一個女仔,好靚、讀書好叻,我一到,佢就好熱情咁攬住我條腰,叫我『媽媽』『媽媽』,真係好感動!另一個我助養咗十幾年嘅男仔,已經長大成人做嘢養家,佢媽咪見到我就忍唔住喊,我都好激動!」

開開心心40歲

李心潔18歲被張艾嘉發掘到台灣發展,其後簽約滾石做歌手,再轉型拍電影。這位「少女標本」下年就40歲,有否一點心慌與擔憂?「我真係冇諗40歲呢樣嘢。對年紀焦慮嘅時候,係我就嚟30歲時,嗰時覺得20幾歲好青春,30歲喎,死啦死啦,咪變咗老女人?」三十後反而可以坦然面對,學識活在當下,「好自在、好享受係最緊要。其實年紀都係一堆數字,如果我好青春,25歲,但我唔開心,咁不如我40歲,開開心心,係咪?」

執導女性電影

演出電視劇《選戰》、張艾嘉執導的電影《念念》,李心潔希望40歲後,可以成為一個導演,「呢幾年我都好努力咁寫緊劇本,覺得自己唔夠就再做啲research,幾期待,我身邊朋友、師傅(張艾嘉)都知我向住呢個方向努力。」拍鬼片?當然不會,應該是女性主義電影,「我嘅作品一定係充滿愛!我由細到大,做每一件事都係源自愛,冇愛,就搵唔到意義同價值。」果然,愛無敵!

動物園

「我屋企真係好似動物園咁!𠵱家有三隻狗、兩隻兔仔,仲有一隻烏龜,屋企阿姨要照顧咁多動物,我驚佢有壓力,哈哈!」李心潔月初在網上為一只流浪狗尋主人,最終幾日後收養成為家中一分子,網民反應熱烈,大讚她有愛心。「佢嘅眼神好憂鬱咁,覺得佢好可憐,咁照顧咗幾日有感情,就收養咗。」現時這隻流浪狗已成為愛寵Boogie。此外,李心潔今次特別要求不着華麗名牌,記者找來Johanna Ho及本地新銳時裝作品,支持一下本地時裝。
更多精采時尚內容,盡在 http://add.appledaily.com。