日本女星石原聰美入行15年，為紀念踏入30歲，佢最近推出相隔6年嘅全新寫真集《encourage》，石原聰美遠赴古巴取景盡情散發女人味，結果登上當地銷售榜冠軍，首周更賣出4.2萬本，成為上星期最暢銷寫真集。

今日，石原聰美宣佈接拍TBS電視台明年1月開播連續劇《Unnatural》，今次飾演嘅女主角三澄美琴係個全日本只有170名嘅法醫解剖醫，效力日本新設立嘅死因調查特別小組「非自然死研究所」（UDI Lab），由佢同拍檔揭開各種死狀詭異屍體嘅背後秘密，而同劇陣容還有窪田正孝、井浦新、松重豐同埋市川實日子等，而大熱劇《逃跑雖可恥但有用》編劇野木亞紀子會為呢劇劇撰寫劇本。

另外，人氣女星波瑠主演特備劇《Border》安排10月6日及13日分兩集播出，波瑠繼續為故事扮演檢察官，拍住石丸幹二、工藤阿須加合作，係2014年同名連續劇嘅全新外傳。