央視咁講,小小超自然要澄清,盈大發言人噚日話,幅地係06年初用5.1億人仔投得嘅,同年7月已開始前期施工準備。而舊年3月受奧運將舉行影響,工程暫緩,到10月先至復工,因此唔存在閒置土地問題。
呢個住宅項目座落北京盈科中心隔籬,落成後其實可以同盈科中心產生協同效應,咁點解要賣呢?盈大發言人解釋,呢個項目較細,唔適合公司發展。
不過,係人都知祖國近年經濟起飛,個個都想去大陸投資,國內樓價亦大幅飆升,睇怕盈大個盤起好之後,賣出去都唔只賺兩億,咁唔通賣地係另有原因?其實盈大8月喺賣地皮份通告都有講到,全球經濟下滑,缺乏龐大資本市場供應,因此賣地套現得到資金,好將資源投放喺日本同泰國嘅項目,咁實情可能係「缺水」囉。
李華華
mailto:
[email protected]