【Video Talk】上期GM張凌良重注得手!《今晚Tip馬夜唔夜》6:30pm猛料放送
Video Talk今晚Tip馬夜唔夜GM張凌良HomanTip馬神誇下海口黃楨淘
GM張凌良上期兌現承諾,重注「幸運飛駒」,成功追近之前大幅領先的阿淘。
阿淘本對今個月「每月Tip神」十佣拿九穩,如今則領先約500分。
「網軍」上期都攞到774.5分,尚有機會後來居上,今期交由Homan(右)發揮。
每次睇排完位,覺得刨馬太多資料好花精神?有太多心水馬,唔買得咁多隻嘥本錢,而熱門馬則回報率低冇肉食,點算好呢?
嚟緊禮拜三(22日)又會上演谷中九場夜馬賽事,究竟各場邊隻馬贏得?
唔使你嘥時間刨,我哋一班高學歷年輕評馬精團隊,將精心分析向大家提供心水馬。
《蘋果動新聞》今天(20日)星期一下午6點半節目《今晚Tip馬夜唔夜》就可以幫到你,屆時Facebook、Youtube及果燃台三台會同步直播。
每次《今晚Tip馬夜唔夜》都有三位年輕馬評人,幫馬迷逐場逐匹點評整懶人包,唔使自己刨得咁辛苦。
今次就續有賽馬節目主持兼評馬人黃楨淘、評馬人GM張凌良,而「網軍」團隊換由網上評馬人Homan落場。
「網軍」團隊有評馬人DW、《馬後炮》主持Dylan、《競馬Fact Check》主持Steven阿粉及Poli輪流出場。
為咗令佢哋嘅提供更準,《今晚Tip馬夜唔夜》節目早前面世後,每期都有貼士比拼,而每逢月底都會選出「每月Tip神」,並取得現金獎。
「每月Tip神」賽制由黃楨淘、GM張凌良及「網軍」團隊一共三組比拼,只會計算他們最佳三個賽日嘅成績,最高分將取得現金獎,務求令佢哋貼士更準確,唔會放流料。
GM張凌良上期節目曾誇下海口,用700分重注頭場單Win「幸運飛駒」,力追大幅領先嘅阿淘,結果如願敲中4.5倍獨贏,一下子多3,150分;而阿淘上期繼續穩定中兩場,取得662.5分,「網軍」上期憑阿粉都有774.5分。
以BEST 3賽日嚟計,阿淘累積有5,103分繼續領先,GM張凌良累積4,487.5分,而「網軍」攞到1,624.5,所以GM張凌良嘅「幸運飛駒」真係令佢收窄差距至近500分,真係有啲料到,一月份嘅「每月Tip神」仍有暗湧。
另外,《今晚Tip馬夜唔夜》深得馬迷歡迎,星期四年廿九(23日)將加開一集,分析大年初三(27日)農曆新年賽馬日各場賽事,繼續約定大家!
1月份「每月Tip神」暫時成績
參加者 分數(最佳三個賽日)
黃楨淘 5,103
GM張凌良 4,487.5
網軍團隊 1,624.5
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度 ------------------------------------
【過年必看!】鼠、牛、虎、兔、龍同蛇鼠年生肖運程
美女玄學家碧霞老師幫你趨吉避凶 -----------------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇