韓劇《Doctor異鄉人》男星李鍾碩近日忙緊拍SBS新劇《Pinocchio》，今日劇組公開佢獅子頭、膠靴襯校服嘅老土造型。

李鍾碩喺劇中飾演為咗隱藏特殊才能而曾經做過的士司機嘅電視台社會部記者崔達浦。崔達浦年幼時經歷失去父母嘅悲劇，失去所有記憶後過住平凡嘅生活。

新公開嘅劇照係講述崔達浦喺一個叫鄉離島嘅地方度過少年時期，佢換上獅子頭同著膠靴嚟演繹一個島上鄉下仔嘅形象。為咗完成呢個形象，李鍾碩更主動提出意見而且提供道具！劇組表示：「李鍾碩對自己扮演嘅崔達浦非常重視，喺現場盡最大努力投入拍攝，請大家多多期待佢嘅全新形象同轉型。」新劇將於下月12日首播。

另外，李鍾碩早前登上國際韓流雜誌《KWAVE》嘅巴西版封面，可見佢現時作為韓流明星嘅國際地位。